A Autoridade Portuaria de Vigo renova anualmente a certificación medioambiental UNE-EN ISO 14001 dende a súa obtención no ano 2007, así como o seu rexistro EMAS III para todos os servizos e procesos que se realizan no Porto de Vigo:
A ordenación da zona de servizo do porto e dos usos portuarios, en coordinación coas administracións competentes.
A planificación, proxecto, construción, conservación e explotación das obras e servizos do porto, e o de sinais marítimas que teñan encomendadas.
A xestión do dominio público portuario e de sinais marítimas.
A optimización da xestión económica e a rendabilización do patrimonio e dos recursos que teñan asignados.
O fomento das actividades industriais e comerciais relacionadas co tráfico marítimo ou portuario.
A coordinación das operacións dos distintos modos de transporte no espazo portuario.
A ordenación e coordinación do tráfico portuario, tanto marítimo como terrestre
Como requisito do rexistro EMAS III, a Autoridade Portuaria de Vigo elabora ano tras ano e somete a auditoria por entidade externa acreditada, a súa Declaración Ambiental:
O Texto Refundido da Lei de Portos do Estado e da Mariña Mercante (RDL 2/2011) incorpora a Sustentabilidade como un dos principios que deben rexer o modelo de planificación e de xestión dos portos.
Dende o ano 2010 a Autoridade Portuaria de Vigo realiza unha Memoria de Sostibilidade baseada na “Guía para a elaboración das memorias de sostibilidade das autoridades portuarias”aprobada por Puertos del Estado.
Este documento permite coñecer a situación actual da Autoridade Portuaria de Vigo e a evolución que levou a nivel institucional, económico, social e ambiental, mediante unha serie de indicadores.
